Editorial
Deklarasyon ensandyè : Premye Minis Ariel Henry mete lwil sou dife. 2022-09-20 21:14:59Actualités
Deklarasyon ensandyè : Premye Minis Ariel Henry mete lwil sou dife.
“Pep Ayisyen pa koute moun k ap di nou achte chwal plenn nan sezon lapli paske yo p ap ede w pran swen li nan sèk”; “pèp la pa nan lari pou moute gaz ak lavi chè, se moun a gwo zam ki nan lari”. Se deklarasyon ensandyè Premye Minis defakto a, Doktè Ariel Henry nan mesaj li voye bay nasyon an dimanch 18 septanm 2022 a sou televizyon Leta a (TNH). Sa gen plis pase 3 semèn depi yon mobilizasyon deklannche nan tout peyi a kont lavi chè, lamizè, rate gaz ak ensekirite jeneralize. Pandan popilasyon an ap manifeste kont rate gaz la, Premye Minis la di popilasyon an pral peye prodwi sa a pri li pa vo, 570 goud pou yon galon gazolin, 670 goud pou diesel.
